نافذه

خالد شجاع · 12-12-2008, 03:31 AM

هلا وألف هلا
بالجميع
أبرك ساعه يوم تشرّفوني
مكانكم ومرحبا فيكم عدد القراءات في قصايد ناصر حطاب الدهمشي
لنّه ما شاء الله يجيب الرقم القياسي ويستاهل وهو كفو ومحبوب من الجميع

.....

[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]شعلة الاحلام تبدا من صغار الشرار=والطريق المنتهي بالسعاده ما يحير
الفجر اكبر دروسٍ بتحديد القرار=والغرير اصبح مع الوقت ما عاده غرير
القطار اوحي هديره على هاك المسار=عزّتي للي تحرّاه في تالي عصير
نسنس الغربي على نافذة حلمي وطار=ليل حالك حال دون المسافر والغدير
انتظار الوقت يعني عليك الانتظار=والله انّك ماانت مقدي ولكنّك حسير
الرفوف اللي عليها من الدنيا غبار=كيف تنظف والنوافذ على السافي تشير
المطار اقرب إلى الموت والموت المطار=لخذاك إبلا تذاكر ولا سابق نذير
ترسل اشواقك مع الغيم في تالي نهار=والليالي تكتب اسرار والساعي ضرير
جاري اللي كنت احسبه مع الايام جار=اختفى واخفى مع الوقت له علمٍ كبير
وانت ياللي لك بقلبي تحيّات وقار=غير ذلك ودّي اذكر بانك انت غير
وجهك اطهر من جهاد المواطن للحصار=ويدّك انقى من سلام المعزّب للخشير
يا شموخ الصدق واجمل من احساس اعتذار=يااصدق من اسم المهند والطف من عبير
ما احبك بس احس اني عليك اليوم اغار=ما كرهتك بس احس انك تحس اني صغير
تمشي بشارعكم اللي مغطيه الخضار=والزهور تقول يا رب بيديها نصير
مع هبوب الريح ترقص صعودٍ وانحدار=لو تمرر يدك فوق الواحده خطرٍ تطير
كلّهن يستنفرن يوم تاتيهن مُثار=يزعلن لامن زعلت ويفرحن لك بالف خير
باختصر واذكر معَ ذا ومن باب اعتذار=إن هالدنيا دروب وموانيها كثير[/poem]

جُمان · 12-12-2008, 03:42 AM

خالد شُجاع ..

[ نافذة ] قصيدةٌ تُطل منها شمسُ الشعر ..
وتنسدِلُ على أطرافها أزهارُ الجمال
كعادَتِك الآسِرة في التقاطِ الصور الجميلة ../ والحرف العذب

نصٌ مُبهج ..
شُكراًكثيراً

.

.