وجه المواني ...!

[بركات الشمري]

.




حتى عندما يكون للشعر معنى فمن الأفضل ألا تستخرجه كله *
هاوسمان *








ياحزينه !
دوريني في زوايا الياس... في ياس المدينة !
دوريني في ملامح وجهك الدافي وقولي .. :
قولي : وينه !؟
شاعر ٍ ماحبّته بنت وبكى !
شاعر ٍ مانسّته بنت وشكى !
شاعر ٍ يركض ورى الأحلام والأحلام تهرب من يدينه !
دوري عنّه دخيلك فـ المرايا ..
في وجيه أحلى الصبايا !
في النوايا !
في الزوايا !
في الهدايا !
فالزهور اللي تحبّك .. فلها مع ياسمينه !
دوري عنّه دخيلك في صباحك !
في دموعك .. وانشراحك ..!
وسط حزنك !
وارتياحك ..
وسط دفتر مل من نزفه ومن دمعات عينه !
دوريه ..!
فالوجيه اللي تنادي فالغيابات الوجيه !
فالحنين اللي أبيه وفالأنين اللي يبيه !
ولابكى حزنه عليه !
ولابكيتي تذكرينه
... دوريه !
في عيون أطفال مرّوا ... وابتسامه !
وسط صمته ..
لاجفا صوته كلامه ..!
وسط دفترك الحزين ..
يوم كنتي تكتبينه .. يوم صرتي تشطبينه !
دوريه ..
لاغفى سمعك على صوته ونام !
فـ السكوت
وفـ الكلام !
فـ الحمام اللي بصدره يوم طيّر لك حمام !
في ملامح صبح بارد
كان بيدك تشعلينه !
أسألي عنه .. يدّينك !
واسألي بينك وبينك !
كيف مرّ فـ يوم عينك لين مات احساس عينك !
وانتي عينه !!
ياحزينه .. !؟

و... آتنفّس رغم هذا الضيق في صدر المدينة ..!
..................... وآتبسّم حتى لو مابه ..... عصافير وأغاني !


وانتي أنتي .. مثل ماأنتي ..ولكنّك حزينة !
..................... تربكين الدمع ويل الدمع من ضيق المحاني !


صح أنا مااخترت اكون إنسان يمكن تعشقينه !
..................... بس انا ماخترت أكون إلا معاك انسان ثاني !


كنت اقول البحر ماينشد عن هموم السفينه !
..................... صرت أقول اللحين دلوني على وجه المواني !


آه .. واللي خالق ٍ بي صوت يصعب تسمعينه !
..................... ماقطفتك ( لحظة ٍ حلوة ) من أغصان الثواني !


أشبه احساسي ولاأشبه هذاك اللي ... تبينه !
..................... شاعر ٍ من ضعت عندك ضاع يوم إنه لقاني !


أشبه اللي مرّ في صدري وانا مدري حنينه
..................... مثل هذا الفرح ..... هذا الجرح لامنّه بكاني !


أنسكب لك شي مثل المي ! يمكن تشربينه !
..................... وارتوي بك شعر.. مثل الشعر لامنّه .. دعاني !


مثل هذا الحزن هذا الحزن لامرّ بـ سكينه !
..................... مثل هذا النور مثل شعور من يدّي .. خذاني !


مثل هذا اللي يدوّر في يدينك .. عن يدينه !
..................... مثل هذا اللي يمرّ اللحين كل اللي .. قراني !!


مثل هذا اللي يحث خطاه ماتلحق .. سنينه !
..................... مثل هذا اللي تشوفي كيف لو شفتيه جاني !؟


شاعرك لو ماتنفّس ضاق به صدر المدينة
..................... شاعرك لو ماتبسّم .... كان مارفّت أغاني !


أفتحي قلبك وشوفي وش ورى دمعات عينه
..................... يمكن تحسيّن باللي ماقوى ... ينطق لساني !


لايمر ّ الحزن مثل اللي يمرّ .. وفي يمينه !
..................... قلب ماتنبض سنينه مثل .. نبضات الأماني !


من يقول الصبح هذا صبح ! واشياءه حزينه !
..................... من يقول الناس مثل الناس ماحس ّ بحناني !


الحزن ماهو مثل ماشعر واحسّك .. تشعرينه !
..................... الحزن لاجيت ادور لك وانا اجهل مكاني !

ياحزنها !
رتّل معي تنهيدتي لاجف ّ فوقي مزنها !

.

 

[خالد العلي]

.
.
لشدة اعجابي بما قرأت اعلاه!
أجدني غارق في التفكير في من يرونك باعينهم!
وان كانت الدنيا تحتوي على سبع عجائب! فالرقم[8 ]لبركات الشمري
هكذا انا ياصاحبي اهذي حينما اقرأ شعرا [نازلا الى السماوات]من السماء!
حظي الليلة في يمن وبركة والفضل لله سبحانه ثم لهذا ال/بركات الرائع والعذب



شكرا كـ/أهل الجنة

 

[عطْرٌ وَ جَنَّة]

مِن قِراءةٍ أولى :
تلبّدت عَيني بِالغَيم , و تَنفّست بَين أضَلُعِي أشْرِعةً مُهْيِبة .
هَذا هُو الْحُزن الَّذي يَهِب لِكلّ مَوتٍ قِيْمة , هَذا هُو الْحُزن الَّذي يَدعك كفيّه بِالْحُلم لِتَسْتَيقظ أصَابعه فِي غَفْوة الْمَطر .
هَذا هُوَ تَماماً الَّذي يَحُوّر وَجْهِي لِقْطعةِ طِينٍ ليّنة , وَيلزمه الْحَواس الْتِي تَفوق الْخَمس لِيُسْتَوعبَ كَما يَنْبغي لِحنينه ,

بَرَكات ,
وأهلاً بَركات .
أهلاً ,
ولا أتخيّل الآن , بِأني بَاغتُك بِالحديث قَبل أن أصَافح رُوحك الْتِي سَبحت فِي الريّح و الْغِياب كَوشاحٍ استنفذَ دِفئة .
لَكن حَقيقةً وَ بِجديّةِ الْخَفقة الْعَالقة فِي حُنجرتي الآن : هَذه الْمَرة صَوتَ شِّعرك راعٍ , وَ الْغُيوم خِراف .
هَذه الْمَرة الْسُفن تَجْرِي مُكبّةً عَلى أشْرِعتها , تُنقذ الْعَالم مِن : حُزنك .
حُزنكَ الًّذي أنتَ جَميلٌ فِيه جِداً ,
كُلّ شيءٍ جَميل فِيه جِداً
الْحُزن الًّذي أحنّ إليه لأنه أحنُّ إليّ مِن قَلْبِي
الْحُزن الَّذي قُلتُ بأنه : يَجعل الأشياء أكثر قِيمة ,
وِفعلاً : هَاهِي تُوّلد الأشياء عَلى هَيْئة الْمِيلاد الْشَرِيد الًّذي يُغَني لِوطنٍ يُفرح فِيه
الْصِغار جميعاً .


فِي أمانِ يَديها يَا بَركات ,
وَ الْصَباح ..
كُوب الْقَلق , وصَحِيفة الوفيّات
الحيّة .

 

[عمر المسفر]

.
.



.................................................
........................................
.............................


كثير الصمت
مؤلم يابركات


.
.

 

[خالد علي اليامي]

بركاااات

انسكب لك شي مثل المي يمكن تشربينه
وارتويبك شعر مثل الشعر لامنه دعاني

بالغ الرتواء والله!!!!

سلاااام

 

[ميــرال]

آه .. واللي خالق ٍ بي صوت يصعب تسمعينه !
..................... ماقطفتك ( لحظة ٍ حلوة ) من أغصان الثواني !


ربما يابركات هذا الحزن المبهج جداً يغفر لك هذا الغياب ربما

شكراً لله
ان اتيت بالمطر

يسعد مساك

 

[بسام محمد]

بركات ..

ملامح وجهك ... لحالها شعر
الله يسعدك
والله انك غيرررررررررر

 

[محمد الغشام]

,

,

ياصباح الخير والاحساس
وجَه المُوانَيْ : تِلك السُفنْ التي يترامى على أجسادنا الأمواج اللينه التي [ تنَش الصدُور]
ك القابضه على القلوب لتقوم بإعادة الهيكله له في مُجمِل تراكيبه ..
لاشيُء سوُى الأمواج والسفينه وقبطانها بركات والمجاديف الشعر لِتحرق الرمل قبل الأمواج
لنعلم بإن تراكِيب السماد أتيِه من الرياح ..
فـ


الجميِل بركات ولازلت أعشق نبضك الجميل والرائع و و و
أتعلم اليوم الأجواء حلوه الصباح بالرياض
نصف غيوم ونصف سماء ونسناس من جميع أطرافنا

عاطر التحايا