بـاقـة الأزهـار

[محمد الزويد]

[poem=font=",5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
حبيبي شوف انا جيتك و بيدي باقة الازهار=تعال وخذ من ايدي هديه دوم معتاده
تدلل دامك الغالي و عندك عاشق ٍ لك بار=يجيب لْك الندى صافي قبل ما الصبح يقتاده
تخيل يا دفا روحي تعرف ان الخيال اسرار=تشوف الورد بيدينك تمادى و ذابت اعواده
تخيل هالزهر يضحك بعد ما اصبح معك بالدار=وهو يتغزل عيونك يبي يعبر عن وداده
تخيل غنّت الورده مع صوتك غزل واشعار=تبخ بْروعة ثيابك و ريح العطر وقاده
تخيل بين كل الورد وحده بس لك تختار=ابيك تْحط هالورده على صدرك لك قلاده
أحبك و الزهر يشهد على قلبٍ يزيد اصرار=تمسّك بك لأنك من تمنّى تسكن بلاده
حبيبي جبت لك حاجه تعال و شوف هالتذكار=بطاقة حب لك دعوه تقيس الشوق و ابعاده
تشوف شْكثر محتاجك ولا يخفى عليك شْصار=ترى قلبي غدى هالك دخيلك عجـّل امداده
هديتك باقة الجوري و قلبي لك وفي و بار =انا كلي فدى عيونك تدلل و اطلب زياده
طلبت الليل يجمعنا وانا اقطف لك حلو الاثمار=الا ياما تمنيتك تنام و صدري وساده
اناظر في حلا عيونك و كلي بك تولع نار=ابي اقضي معك ليله ترد العقل لأرشاده
تصدق عاد بس اصحى اطالع صورتك واحتار=اصبّح كل يوم بْشوق لين انها غدت عاده
حلفت اني معك عالحب ببقى لآخر المشوار=اشيب و قلبي يْحبك عسى تشهد له احفاده
عرفت اللحين ليش اني زرعت بْجنتك أزهار=ترى هذا لجل قلبك سعيت و قصدي اسعاده
[/poem]

 

[عفراء السويدي]

لاأدري ..
ربما هو العبير .. أو العنوان .. أو عشقي للزهور الذي أتى بي هنا ..!

حبيبي شوف انا جيتك و بيدي باقـة الازهـار
تعال وخـذ مـن ايـدي هديـه دوم معتـاده
تدلل دامك الغالي و عندك عاشق ٍ لـك بـار
يجيب لْك الندى صافي قبل ما الصبـح يقتـاده
تخيل يا دفا روحي تعرف ان الخيال اسـرار
تشوف الورد بيدينك تمادى و ذابـت اعـواده

عيون الحب ..
أنسام الفجر ..
باقة الورد ..
دفا الكفوف ..
وعاشق يسافر بالخيال ويطوّع الحروف ..
ويغازل الصباح في عينيها ..!

كل القوافى تفيض بالحب ..
أسعدتَ مسائي ..

مرحباً بك وأكثر ..

 

[وليد الفالح]

محمد الزويد
نص فاخر وزاخر
احترامي

 

[ميسون الرملاوي]

شهي النبض من فَيضِ معصمك
يشرع النياطَ صوب التورد

أرق التحايا

 

[ماجد العيد]

محمد الزويد
حالة الحس في نصّك كبيرة
و قد استطعت أن تواكبها شعراً
لتظهر بشكل ربيع
سلمت

 

[أمجاد محمد]

قصيده تفيض عذوبه
وتنبض بالعاطفة الرقيقة
صح لساتك
شكرا لك

 

[عبدالله العويمر]

كالأزهَار : رَقِيْق ٌ هذا النّص يامحمّد

سلِم قلبك

 

[عبدالإله المالك]

يا محمد ..

حبيبي جبت لك حاجه تعال و شوف هالتذكار
بطاقة حب لك دعوه تقيس الشـوق و ابعـاده

لا يكتب مثل هذا البيت إلا شاعر فخم وفحل ولديه حس وقاد اهنئك عليه ..
القصيدة ككل بمجملها رائعة تستحق القراءة والتأمل ..

من شان إن القصيدة اعجبتني أو جايزة ٍ لي باللهجة الدارجة .. ودي أقول لي شيء

ياليتك غير القافية في عجز الأبيات حتى تختلف موسيقاها عن قافية الصدر .>

كان بودي قراءة هذين البيتين بالشكل التالي:


تخيل غنّت الورده مع صوتك غزل واشعـار
تضوع بـْـروعـة ثيابـك و ريـح العطـر وقـاده

تخيل بين كل الورد وحده بـس لـك تختـار
ابيك تْحط هالورده على صـدر ٍ لـك قـلاده


وأشكرك على شاعريتك وجمالها وعذوبتها ..