الــــجــــــوهــــره ............................

ماجد العايذي · 11-09-2011, 07:51 AM

[poem=font=",6,blue,bold,normal" bkcolor="transparent" bkimage="http://www.ab33ad.com/vb/mwaextraedit4/backgrounds/12.gif" border="solid,4,blue" type=0 line=1 align=center use=ex num="0,black""]
يالجوهره لبيه سيد الغنادير=حقٍ علي والزين انتي مداره
ياقمة الاحساس عشق الجماهير=والحسن انتي محتواه ومداره
يا أم الرموش المبهرات المشاهير=يا ويل منهو ينتونّه بغاره!!
سبحان من سواك وافي التدابير=يا اليوسفيه... يا الجمال ووقاره
وش عاد باقي للبني يا مل الخير؟=ياقوم يا نوره ووضحه وساره!!
لبا عيونك والخدود المزاهير=لبا البياض اللي يخالط حماره
ولبا شفاتك توت والتوت تصوير=والا انتي فوق التوت والتوت اشاره!!
لا والله الا من شفاتك مقادير=خمره .. غدا فيها الفتى عن مساره
ردفٍ يغنّي شبعة العز تنوير=وخصرٍ يغنّي جوعه واختصاره
واليا مشيتي يا عذاااب المعيثير!=ظبيٍ تمايل صعدةٍ وانحداره!
مشية دلع.. لا لا غنج.. لا ابد غير=يا ويل قلبي لفتةٍ واستداره
واليا غرقت بعنق ظبي التباشير=سجدت لله ركعتين استخاره!
يا كن غيرك بالحلا طق شبشير=وان كان فيه شوي.. منك استعاره!!
يهيض برقٍ بين اشافيك ويطير=عقلي وأرد لبيه كنها بشاره!!
لا أقبلتي احزاني تعود مسارير=ولا أقفيتي ارباحي تعوّد خساره
يا ملهمه الشاعر حروف وتعابير=يا مسببه بصدّك دموع بغزاره
يا منتهى عشق الفتى للغنادير=يا الجوهره ما عاد فيها شطاره
مني تحيه والف شكرٍ وتقدير=سمو حسنك بأوسط القلب داره
وان جيت للجد يا سلالة مشاهير=أهل الشجاعه والوفى والنماره
واهل المجالس والدلال المباهير=أصغرهم اللي للكرم شب ناره
وأهل السيوف الباتعات الشواطير=عدوهم مغبون ينعى دماره
متكامله يا الجوهره دون تقصير=أصل وعقل مع زين والزود اماره
يحق لي لا قلت سيد الغنادير=والزين انتي محتواه ومداره
[/poem]