ميهاف حلم . بـ لون الكسوف

[عبدالله العتيبي]

[poem=font=",6,darkblue,bold,italic" bkcolor="transparent" bkimage="" border="none,4," type=2 line=1 align=center use=ex num="0,black""]
الله اكبر على الأيام ياهي نكوف=حسبي الله عليها عقب محنا سوى
فرقتنا ودقّت للفراق الدفوف=وابتدت حفله الآلام حزن ونَوى
بين برد الموادع وارتجاف الكفوف=ذيب الأحزان في تلعة لقانا عوى
مانويت المفارق واختلاف الصفوف=ولا حبيبي على الفرقا بيوم (ن) نِوى
لكن الوقت هذا واحتكام الظروف=وانتحار الأماني فوق سفح الهوى
بعثر اشلاء صبري والميادين خوف=والمواني تلاشت والسفين انزوى
ثم طاح الأمل على ظِلال السيوف=وفي رماد الليال الماضيات انعوى
غرب ميهاف حلمي بان لون الكسوف=واعتمت شمس حب (ن) في حياتي ضوى
وبين عيني وعينه ذكريات وطيوف=أنطوت مثل عمراً بالزمان أنطوى
وأبتدت في خطاها غربتي والحتوف=أحتوت كل شيء عن غلانا حوى
كل حظاً عدا حظي عيون ويشوف=وش عليه الحظيظ اللي بحظه غوى

[/poem]

 

[شقران الزيادي]

كل حظاً عـدا حظـي عيـون ويشـوف
وش عليه الحظيظ اللـي بحظـه غـوى

كارثي هالحظ ياعبدالله
نص مترامي الاطراف يميل للسرد بالرغم من كثر الصور

 

[عبدالله العتيبي]

المشاركة الأصلية كتبت بواسطة شقران الزيادي

كل حظاً عـدا حظـي عيـون ويشـوف
وش عليه الحظيظ اللـي بحظـه غـوى

كارثي هالحظ ياعبدالله
نص مترامي الاطراف يميل للسرد بالرغم من كثر الصور

أستاذي العبق الأنيق

شقران

تعلم أن السرد والقصيدة وجهان لعملة المتلقي
خصوصا ان السرد أحياناً يأتي غصب

كن متأكد ياشقران إنك محل تقدير وإجلال في صدر
عبدالله ..

فرحتي في طلتك

 

[صبــــا الجهني]

بين برد الموادع وارتجاف الكفوف=ذيب الأحزان في تلعة لقانا عوى

صوره رائعه..تدل على شاعريه فذه..وخيال خصب..
صح لسانك شاعرنا..

 

[عبدالإله المالك]

أبيات مليئة بالحكمة
ومترامية الشاعرية وبعيدتها

حييتَ ياعبدالله العتيبي

 

[ميــرال]

فــرقــتــنـــا ودقّــــــــــت لـــلـــفــــراق الـــــدفـــــوف

وقفت عند هذه الغصه ولم استطيع اكمال القراءة
شكرا للشعر ياعبدالله بحزنه

 

[شقران الزيادي]

المشاركة الأصلية كتبت بواسطة عبدالله العتيبي

أستاذي العبق الأنيق

شقران

تعلم أن السرد والقصيدة وجهان لعملة المتلقي
خصوصا ان السرد أحياناً يأتي غصب

كن متأكد ياشقران إنك محل تقدير وإجلال في صدر
عبدالله ..

فرحتي في طلتك

انت استاذ نفسك يا عبدالله ,, لا تنسب الفضل لغير اهله
هذه التجربة بأمانة : تجربة تقليدية ناضجة متوازنة بين تحديث المفردة وعراقة النص
طلتك هي الفرحة

 

[عبدالله العتيبي]

المشاركة الأصلية كتبت بواسطة صبــــا الجهني

بين برد الموادع وارتجاف الكفوف=ذيب الأحزان في تلعة لقانا عوى

صوره رائعه..تدل على شاعريه فذه..وخيال خصب..
صح لسانك شاعرنا..

القديرة

صبا الجهني

صح بدنك بعدد الحروف الجميلة التي تكتسي كلماتك

اكاليل جوري لروحك