اليوم الوطني للمملكة

[عقيل المنيس]

بمناسبة اليوم الوطني للملكة العربية السعودية والقيت في مدينة بريدة
بتاريخ23/9/2007 الموافق 11/9/1428بعد ان تلقيت
دعوه من اللجنة المنظمة عن طريق شخص عزيز[POEM="font="Simplified Arabic,5,seagreen,bold,normal" bkcolor="transparent"


[POEM="font="Simplified Arabic,5,seagreen,bold,normal" bkcolor="transparent" bkimage="./images/backgrounds/40.gif" border="solid,4,seagreen" type=2 line=1 align=center use=ex num="0,black""]باسمي الشخصي وباسم الحضور ارفع سلام = للوطن وأعيد وارفع تحيّة للعلم
في مثل هاليوم مهما كتبنا من كلام = ما يوفي ما نكنّه من إحساس وهمم
يا وطنا يا وطنا تجي ذروة سنام = دايمٍ عالي مقامك بتقدير الأمم
المؤسس ثبّت الساس من تسعين عام =وفوقهن سته بدا السير لين الله أتم
فوق سمحة ما ثنى الرجِل وبكفه حسام = لين جمّع شمل الأمة على خير النعم
الأمن والدين والعز وأحكام النظام = بالشريعة ساوت الشيخ مع راع الغنم
لين سلّمها رجالٍ يفكون الخصام = حكمهم شورى على الشرع هو خير النٌظم
الأمانة عند مأمون و رجالٍ عظام = من سعود لفيصل الحق سلّم وأستلم
ثم خالد خالد الذكر عينه ما تنام = قبل ما شعبه ينالون من خيره قسم
ثم سلمها فهد من عزيزين المقام = طوّر النهضة والأعمار ولشعبة دعم
وفوق هذا ضاف لبنه على فعل الكرام = يوم خاطر في بلاده ورى هذي كرم
عرّض بلاده للأخطار يوم الضد زام = قال جاري ما تضيمه وأنا الشهم الأشم
أبو فيصل واعد الجار قبل إيدور عام = في رجوع الدار للجار وأتبعها قسم
كل قادتنا على الحق ماشينٍ تمام = يرحم الله من توفى و يسلّم من حكم
و ابشري يا داريا دار في سِلم والسلام = كل شعبك يا طلبتي على الواجب خدم
يا عسى هاليوم ينعاد لك في كل عام = تحت راية سادة المُلك خدّام الحرم
بأمر أبو متعب قيادة على نهج الإمام = نصرةٍ للدين نمشي على ساق وقدم
خادم البيتين و القدس له يمّه مرام = للعرب سيفٍ مجرب و للمجرم خصم
كل ما صارت مصيبة شهر سيفه و قام = ما يشابه له بهالفعل غير المعتصم
يا سمع مضيوم ينخاه ياقف له شمام = فزعةِ من عقب تفكير ما فيها طعم
ساعده سلطان رجلٍ يضيم ولا يضام = بالشجاعة والمكارم تحلى وإتسم
ونايف وسلمان واحمد لهم درع وحسام = وكل الأسرة بالمكارم نظامٍ منتظم

أسرة بالخير نالت رضا كل الأنام = كلنا في صوت واحد نجاوبهم نعم
ودي استرسل ولكن نبي قبل الختام = أشكر بريدة واهلها على هذا الكرم
والشكر ينصاك يا أمير مدحي لك وسام = فوق راسي تاج ثابت مثل وصف الهرم
في سموك جزل الأبيات تسمو والكلام = ما يوفي كل ما قلت و يعجز القلم
فيصل البندر جميعا نبلغك السلام = حاكم يبني بلاده ولا عمره هدم
ولسمو نايبك نرفع تحية وإحترام = فيصل المشعل على الطيب حزّم وإحتزم
إحتزم بالمجد والعلم وإكرام الكرام = وللعدو قاسي وينهيه لامنه عزم
والقصيم يقدم الشكر في شهر الصيام = والشكر مقرون بالصدق والموضوع أعم
الولاء والتضحية كل ما ثار العسام = والبلاد اليا تألم نشاركة الآلم
من شبابٍ حطوا الدين للغلطه لثام = يحسبون الدين تفجير مبنى في لغم
غرّهم عن وجهة الحق ملعون الرسام = يحسبون القدس بالخرج هافين الذمم
ومن خرج عن سكة الحق مافيها ملام = ماله الا السيف بالحق جعله للوهم
ننصحه في بادي الأمر والا له خطام = من رجال الأمن نعطيه في صدره سهم
ومن توفى في سبيل الوطن جسمه حرام = ما يطب النار ويلف جسمه بالعلم
يرحم الله شهدانا كبيرين المهام = لبوا الواجب كما البحر ياخض التطم
من قصيم الخير ثله من الناس الحشام = عدهم حول الثلاثين رمزٍ للشيم
ما أنثنوا عن درب أهلهم عزيزين المقام = يفتدون الدار بالروح والموقف حكم
ورددوا ياللي تصلون بالمسجد قيام = يرحم الله شهدانا نعم قولوا نعم
وبالختام الدار يبقى على سِلم وسلام = ما ربي فيها منافق ولا يعبد صنم[/POEM]

عقيل سعود المنيس الشمري

 

[قايـد الحربي]

عقيل المنيس
ــــــــــــــ
* * *

أهلاً وسهلاً بعودتك .

وقصيدة ذات مشاعر وطنيّة صادقة
بيومٍ صادق كان للصدق فيه وطن .

شكراً لحضورك .

 

[محمد الضويحي]

لا يجوز المساومه على حب الوطن الأرض

 

[عبدالله ثويني المانع]

..

عقيل المنيس

قصيدة رائعة بـ حب الوطن
كل عام وبلاد الحرمين بخير وأمان

أرق التحايا لقلبك

..

 

[عقيل المنيس]

اخي العزيز قائد الحربي

ابقاك الله وارجو المعذرة عن الغياب

ارجو ان اسجل ما يرضيك ويرتقى لمستوى حبنا للوطن

اخوك ابو جمال

 

[عقيل المنيس]

المشاركة الأصلية كتبت بواسطة محمد الضويحي

لا يجوز المساومه على حب الوطن الأرض

اخي محمد الضويحي

اسعدني مرورك رغم انني لم افهم ماذ تقصد ؟

من الذي يساوم على حب الوطن ؟

 

[عقيل المنيس]

اخي العزيز عبدالله ثويني المانع

الف شكر على هذا المرور الجميل واتمنى

ان اسجل ما يرتقي لحب الوطن

واعتذر عن الغياب اخوك ابو جمال

 

[شوق]

قصيدة وطنية

نفتخر بقرأتها

لما لهذه المناسبة


معزة خاصة في قلوبنا

وصح لسانك

كل الغلا

أختكـ/شووق