طبع مركبي / صوت وصدى مع علي المبرد

[عقيل المنيس]

هذه القصيدة اسندتها الى على المبرد

آمل ان تنال رضاكم وهي تعبر عن موضوعها .

[POEM="font="Simplified Arabic,5,blue,bold,normal" bkcolor="transparent" bkimage="./images/backgrounds/40.gif" border="double,7,darkblue" type=1 line=1 align=center use=ex num="0,black""]الا ياعلي مبرد بعد ضـاق خاطـري =ذكرتك ودمع العيـن حايـر بنونهـا
غيابـك طويـل ويمتـك خابرينهـا = الى دار ما كـل البشـر ياصلونهـا
الى قبلت الاسلام والبيـت والحـرم = عسى الله عن اعداها بجاهه يصونها
وبعد ما رجعت لدار حيـك وديرتـك = انا حملتي صـرت أتخيّـل إضعونـا
مع شارع الأطراف والعيـن تلتفـت = الى ديرتي وافخـت مـن يسكنونهـا
صحيح الموادع صعب والبال منعمس = لكن عنفوان النفس يكبـح شجونهـا
شديت بلحن موال و اللحـن شدنـي =ولكن غموض الصوت ضيّع إلحونها
قصيدة على بحـر الهـلالي كتبتهـا = وأنا شاعرن مـن ضمـن من يكتبونهـا
واباكتب بها احساسي وهمي وحيرتي = وأوضح بها أحزاني لاجل تعرفونهـا
من الصاحب اللي كان الأول بصحبتي = لكـن السفـارة قربـوا يسحبونهـا
وانا ما أتعامل مع هل الهرج بالخفـا = وانا خوتي معهـم قبـل يخبرونهـا
انا الواضح الصافي لمن هو يودنـي = وبعض سالفة يدرون ماني زبونهـا
انا الصاحب المقبل لمن يرتجوننـي = اذا كشّرت سـود الليالـي إسنونهـا
وانا المقفي ان شفت الجفا من رفاقتي = ولو كان بعض إعلومهم يسترونهـا
تجاهلت الاولى وإحتفظت بعزيمتـي = ولكن جروح اليـوم زادت إطعونهـا
ونويت اتكل واعالج الهـم بالسفـر = الى ديـرةٍ كـل العـرب يذكرونهـا
بكثر الكرم والطيب والمجد والفخـر = جميع الطراقـي بالكـرم يمدحونهـا
ابا ازور سلمـى سلـم الله جنابهـا = وإجا والعصام وما بدى من إحصونها
وابا امني النفـس الشقيـه بهمهـا = وعسى الله يكمل ما خفى من ضنونها
وعسى الله يرزق دارنا مقدم الحيـا= والأمطار للديـرة تتابـع إمزونهـا
وانا سفرتي شهرين واكيـد تنتهـي = ثلاثين ضرب اثنيـن او زاد دونهـا
ولكن بعدها ما أعرف ويـن يمتـي = تلاطم بنا الامـواج دونـي ودونهـا
خليج الكويـت الله يسيـل إديارهـا = طبع مركبي ما بين وربـة وجونهـا
طبع سبة الغبطان في غبـة البحـر = والابحر ما كل اصحابنـا يسبحونهـا
وانا ابعدت عن بحر تلاطم به الزبـد = رغم قدرتي لحمـول مـا يقدرونهـا
ضعيفين الأريا شوفهم قـدر كسبهـم = عسى درة المحـار مـا يكسبونهـا
واذا ما رجعت اخبرك ياعلي بالعلـن = بعض ناس ماشوني شبيهن لشونهـا
وابحملـك ياعلـي تاخـذ وصيتـي = الى من هوا بالـي قبـل يخبرونهـا
باني حملت الياس في رحلة السفـر = ولا ادري عن الايام وش لون لونهـا
ولكـن دخيلـك لا تفاجيـه بالخبـر = لا تبكي وعذالـي بعـد يسمعونهـا
ترى دمعة الغالي على القلب غاليـه = الا يابعـد كـل الطوايـف إعيونهـا
ترن واثقٍ بك ياعلي فـي وصيتـي = وانا جازم انـك ياعلـي ماتخونهـا
وأوصيك توصلها مثل ما ذكرت لـك = ترى العين ما باقٍ بها غيـر نونهـا[/POEM]

ابو جمال 19/6/2007

 

[عقيل المنيس]

وهذا رد علي المبرد

[POEM="font="Simplified Arabic,5,blue,bold,normal" bkcolor="transparent" bkimage="./images/backgrounds/40.gif" border="double,6,darkblue" type=1 line=1 align=center use=ex num="0,black""]وصلني صدى صوت المشقى وهاضني = مشاعر شعور الجاش حـرك سكونهـا
وانا من سنه عازف عن الشعر منعـزل = وحيدن وحالي ساكنـه وسـط كونهـا
مهو عجز صمتي لكن البـال منشغـل = عن الشعر يوم النفس زادت شطونهـا
وانا عارفن شعري وخابـر قصيدتـي = تجي شامخـه لاقلتهـا فـي فنونهـا
تباها كما عذرى مشـت بيـن محتفـل = تغنـج جدايلهـا تـلاعـب متونـهـا
تغـار الـعـذارى منـهـا لاتبيـنـت = كمـا سندريـلا بالحـلا يوصفونـهـا
نعم كنت غايب لكن الـروح حاضـره = تهايم وغضبـان المتاعـب سجونهـا
ولكن بعد ماشفـت مشكـاة صاحبـي = بها الهم والحسـره ولوعـة اغبونهـا
عقيل الـذي بيـح خوافـي مشاعـره = قبـل لحظـة التـوديـع لايعلنونـهـا
تخيـل افراقـه والتياعـه وضيقـتـه = من البعـد عبراتـه تهـاوت اركونهـا
بدت عبرته بيـن المحانـي وشابهـت = خلوجن لشـوف احوارهـا يبعدونهـا
شكا الصاحب اللي بدل الوصل بالجفـا = لحتى غصون الوصل ذبلـت غصونهـا
شدا في لحن بحـر الهلالـي مواجعـه = صداهـا يسابقهـا ولاجـت بهونـهـا
تشيل الوفا والحـب والقـرب والجفـا = انا اعربتهـا قبـل العـرب يعربونهـا
حشدلي جروحن يشغل البـال حشدهـا = قبل عام واكفـوف العبـث يلكمونهـا
عجـز لايداويهـا مـداوي وحـيـرت = خبيريـن لامـن حاولـو يبصرونهـا
واباغوص في عمق البحر واعبر الخطر = واجيبك واحرك مركبك فـي اغضونهـا
ولالي بمـن ينقـض ويفتـل ويبتـرم = اذا غايـتـي تبـطـي ولايدركونـهـا
واذا اوجست طبخه بالعرب فاح ريحها = ترى مانـي بحـي الـذي يطبخونهـا
انـا كلمتـي ياجـب ليامـن بديتهـا = لزومـن بميـزان الذهـب يازنونهـا
وترى الدره اللي ساكنه قاعـة البحـر = بعيده عـن اللـي حاولـو يمسكونهـا
بالاحـلام تقربهـم اليامـن تحلـمـو = اذا حاولـو فـي ودهـم يخطبونـهـا
وعسى الله يقدرنـي لحملـي وصيتـك = حسـب رغبتـك والغيـر مايحملونهـا
لها الـود والتقديـر والثالـث الوفـا = ومشاعر حنانـي لاشكـت يغمرونهـا
لك الله مـن صـار بحمايـا وذمتـي = يعيش برغد والحـال تبعـد احزونهـا
صديقي ليامنـه شكـا ضيـق حالتـه = يجيه الفـزع منـي ويبشـر بعونهـا
لاجل صاحبي ماني مكسـر خسايـري = انا مـن شراهـا كـان مايشترونهـا
بعض رجل تبقـى بالمواقـف مواقفـه = لها الصيت واعلوم البشـر يشهرونهـا
وبعض رجل شوفه بالزمن قد حاجتـه = سواته سوات اللـي قدرهـا بطونهـا
وانا ماني اللي يخلـط السـم بالعسـل = ويجـون الخلايـق خلطتـه ياكلونهـا
انا حسبتـي صعبـه ليامـن كشفتهـا = يعجـزون رواد العـرب يحسبونـهـا
مدامـك مـوادع ياصحيبـي ومتجـه = على ديرتـن ماكـدرت مـن يجونهـا
لها ماضي التاريـخ يشهـد لحاضـره = اذا حـاولـو روادهــا ينصفونـهـا
اذا جيت حايـل يمكـن الهـم يرتحـل = وتعـود لناسـن شوفتـك يرغبونهـا
تجينا بعد وقت السفـر زايـل الكـدر = وانا جيتـك مـن للعـرب ينشرونهـا[/POEM]

علي المبرد

23/6/2007

 

[نواف التركي]

أبو جمال

نص مغرق بالحزن

وكـ عادة الأوفياء تبقى الأجمل والأنقى

إحترامي


ملاحظه/
وأنا شاعرٍ من ضمن يكتبونها

أعتقد أن هنا غلط مطبعي بسقوط من بعد ضمن

وأنت أعلم

يبقى أن تسلّم لي على نفسك
وعلى
علي المبرد


دمت بألف خير

 

[العـنود ناصر بن حميد]

الكريم ..عقيل المنيس

لا تأتي

إلا بالجمال

صح قلبك

ودمت بخير

 

[عقيل المنيس]

اخي العزيز نواف التركي

اولا وجود ردك على قصيدتي صك نجاح لها ، اما الوفا فانا استمده

من الغانمين شرواك .

ثانيا كلامك صحيح هناك خطاء مطبعي ( وانا شاعرن من ضمن من يكتبونها ))

من الاخيرة سقطت سهوا ارجو من المشرف تعديل القصيدة باضافة من الثانية

مع جزيل الشكر مقدما .

ثالثا الله يسلمك ويبقيك وسلامك وصل لي و سوف اوصله لعلي المبرد واكرر شكري

وامتناني لشخصكم الكريم اخوك عقيل سعود المنيس

 

[عقيل المنيس]

الاخت العزيز العنود

الف شكر على المرور الكريم والجهود المثمرة بالمنتدى

وصح بدنك والمشاركة المباركة التي تتشرف بمرورك .

تقبلي تحيتي وتقديري ..... عقيل المنيس

ملاحظة :

ارجو تعديل الشطر الاخير من البيت الثامن ليصبح هكذا

وانا شاعرن من ضمن من يكتبونها

حيث حرف من اللي بعد كلمة ضمن سقطت سهوا
ولكي شكري مقدما

 

[خالد العقيل]

عقيل المنيس

صوت وصدى ولا اروع
من شعراء نكن لهم كل الاحترام والاعجاب
تقديري

 

[نايف السعدي]

عقيل المنيس
صح لسانك ولسان على المبرد
دمت متألقا
احترامي