مساجله شعريه ....

[متعب المضعان]

اخـوانــي واخـواتــي

اعضاء هذا الصرح الشامخ

اعود اليكم مرة ً اخرى بهذه

المساجـلـه الشـعـريـه

التي جـرت بينـي وبيـن

الـــشـــاعـــر :

ناصر بن حسين البقمي

لذا احببت ان اضعها امام اعينكم لتروها

وان شـاء الله تـلامـس

رضــاكـم واستـحـسـانـكم حـيـث قـال

الــشـــاعـــر :

ناصر البقمي


[POEM="font="Simplified Arabic,5,red,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]يالله يارحمـن ياغـافـر الـذنـب=ياخالق(ن)هالكـون ومنـزل كتابـه
أرجيك أنـا يـارب يـارب يـارب=يامحصين خلقـه ومنشـي سحابـه
أرحم بحال(ن)جتك تدعي وتطلـب=وجبر صويب(ن)طاح وأبطى صوابه
سر ياقلم وأكتب حروفـي ورتـب=أكتب قصيد اللي شقـا مـن عذابـه
يامتعب اسمـع هرجتـي لاتعجـب=ترى الهوى ياويـل منهـو هوابـه
بشكي لكم حالـي وحالـي معـذب=وأنته ترى من طيب عـزوه ولابـه
حيث انك أنته في حياتـك مجـرب=وحيث ان مثلـك فاللقـاء يعتزابـه
ترى الوفاء بين الرياجيـل مكسـب=واللي مضيع مذهبـه ويـش أبابـه
يامن يدور طـب ياعـارف الطـب=ويامن يعزي خافقـي فـي مصابـه
أسباب حب(ن)في فـؤادي تصلـب=وأسباب شين فـي كيانـي صطابـه
وش حيله المشتاق لا طول الـدرب=وش فايده عمـر الحـزن والكآبـه
والله لو مالي مـع النـاس مذهـب=لا صل لداره واللتحف مـن ثيابـه
أضحك مع العربان والحال منكـب=والكـل يامتعـب لذيذ(ن)شـرابـه
أجاذب الونـات والصـدر مشتـب=والقلـب قلبـه الزمـان وغـدابـه
لازانت النسمه وهب الهـوى هـب=يطري عليه هاجسـي واضطرابـه
تـرى البعيـد اليـوم لابـد يقـرب=وناصر ترى شر الزمـان التوابـه
ان كان هذا الحب لارحم أبو الحب=عزالله أنـه صـار شـر وطلابـه
ماودي أتعبكـم ولا أبغـاك تتعـب=وياليـت متعـب مايتوخـر جوابـه
ولاودي آطـول قصيـدي وننشـب=تـرى الكـلام المختصـر يحتفابـه
وصلاة ربي عـد حصيـان يثـرب=علـى الرسـول بسنتـه يقتـدابـه [/POEM]



وتجاوبا ً مع اخي العزيز رديت بهذه الابيات :


[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]ياليل وخر عـن هجوسـي وجنـب=شف هاجسـي ياليـل ولّـم زهابـه
لي صاحب(ن) جاب الكتاب المهـذب=ماكنـه إلا فـي عصـور الصحابـه
وإلا تقـول إنـه عليهـم مــدرب=واليا نوالـه بحـر يحسـب حسابـه
يامرحبـا باللـي لفانـي عـلـى اب=اللي شكى فالحـب والحـب صابـه
ويامرحبا من خاطر(ن) لـك يرحـب=وعـداد ماهلـت علينـا السحـابـه
ناصر نشوفك تشتكي لوعـة الحـب=من حب عذرا ً وسط جوفك صطابـه
وسليت سيف(ن) بالمعانـي مجـرب=من وحي فكر(ن) ساطي(ن) بالحرابه
ابشر بفزعة من شقـى ثـم تغـرب=اللـي لفيتـه تنتـخـي بالكتـابـه
ان كانها بالعشق تبغـى خـذ اللـب=اخطب وخل الفـرح يمطـر سحابـه
وان كانهـا بالجـاه جـاك وتزهـب=اجيـك بشيـوخ العـرب والقرابـه
وان كانهـا بالمـال تامـر وتطلـب=تامر وانا لـك وافـي(ن) بالاجابـه
والله مالـي عنـك ياخـوي مهـرب=ولاخير فيمن يتـرك اللـي اعتزابـه
طبع الوفا طبعي ولـي خيـر مذهـب=ومنهـو يخلـي مذهبـه لـه ذهابـه
التجربـه خلـت فـؤادي تعـطـب=ونار الهوى ياخوك كـل(ن) يهابـه
وان كانهـا مـن قربتـك ماتقـرب=هذا الحكـي مافيـه قـول وخطابـه
ماهـي رخامـه لابغيـت اتجـنـب=السلم سلـم وكـل قـرم(ن) مشابـه
وان كانها بالحرب حنا هـل الحـرب=وانـت الحكيـم وعزوتـك ماتهابـه
ربعك هل النخـوات حمايـة الـدرب=وكم شيخ قوم(ن) زودو في صوابـه
والحـب سنـه للعـرب والمـعـرب=الحـب ياناصـر مريـر(ن) شرابـه
وترى الهوى سوّة على القلب يالذرب=الياغـرس بالقلـب سمـه ونـابـه
والله واحـد مالنـا غيـره الــرب=ربـي وربـك سعـد منهـو لجابـه
واحـذر تـزود فالقوافـي وتشتـب=ولايـســرقك لحـن الحـزن والربابـه
وختامها صلوا على منـور الـدرب=محمـد المختـار معـه الصحـابـه[/POEM]



وسلامتكم

 

[الفارس]

	متعب المضعان صح السانك قصيده رائعه من الشاعر ناصر البقمي ورد اروع من الشاعر متعب المضعان سلمت لنا وسلم لنا بنانك ولاتحرمنا من هالمساجلات الرائعه بروعتك اتمني لك دوام التوفيق الفارس

 

[ســــارا]

لأ هنـــــــــت إخـوي ،،

الصوت والصدى كآن شي خيآلي ..

مساجله اكثر من رآآآآآئعه ..

تحياتي وتقديري لكم ،،

 

[عايض راشد]

اخوي الكريم ,, صح الله لسانك رديه غايه في الجمال والتصوير ,

اعجبني كثير هالبيت :
ان كانها بالعشق تبغـى خـذ اللـب
اخطب وخل الفـرح يمطـر سحابـه


احلى حل ,

كل الود وتقبل متابعتي

 

[سطام الصعب]

والله لو مالي مع النـاس مذهـب
.......... لا صل لداره واللتحف مـن ثيابـه

لا تعليق على الروعة .!






متعب / ناصر
صح السنتكم اثنينكم
مساجله راائعة بروعة اساميكم
استمتعت بقرائتي لها
واتمنى منّك يا متعب دعوة الشاعر ناصر البقمي
هنا بأبعاد
فشاعر بحجمه يشرفنا وجوده


همسهـ,,

ان كانها بالعشق تبغـى خـذ اللـب
.............. اخطب وخل الفـرح يمطـر سحابـه

الا يا ربّي شفعك
ابداً وانا اخوك ماهي بنصيحه

 

[صالح الثبيتي]

[POEM="font="Simplified Arabic,5,darkblue,bold,normal" bkcolor="transparent" bkimage="" border="double,4,black" type=0 line=0 align=center use=ex num="0,black""]ابشر بفزعة من شقـى ثـم تغـرب = اللـي لفيتـه تنتـخـي بالكتـابـه
ان كانها بالعشق تبغـى خـذ اللـب = اخطب وخل الفـرح يمطـر سحابـه
وان كانهـا بالجـاه جـاك وتزهـب = اجيـك بشيـوخ العـرب والقرابـه
وان كانهـا بالمـال تامـر وتطلـب = تامر وانا لـك وافـي(ن) بالاجابـه
والله مالـي عنـك ياخـوي مهـرب = ولاخير فيمن يتـرك اللـي اعتزابـه
طبع الوفا طبعي ولـي خيـر مذهـب = ومنهـو يخلـي مذهبـه لـه ذهابـه [/POEM]

متعب المضعان

كفوووووووووووووووووووووووووو

صح لسانك يا القرم على ها المساجله ابدعت وابدع ناصر

حقيقه قريتها اكثر من مره

لا تحرمنا جديدك

تقبل فائق احترامي وتقديري

اخوك صالح الثبيتي

 

[ناصر البقمي]

السلام عليكم

أولا"/تشرفت بحضوري هنا ومع هذه النخبه الرائعه

أتمنى أن نفيد ونستفيد,,,


ثانيا"/الشكر موصول للأخ متعب المضعان لدعوته لي بهذا المنتدى الرائع

ثالثا"/صحت أبدانكم ومشكور على نقلك الرائع يامتعب

وتحياااتي لكم

 

[متعب المضعان]

المشاركة الأصلية كتبت بواسطة الفارس

الفارس

اسعد الله قلبك على مرورك الراقي

واطرائك السامي ..

وصح بدنك وسلمت ولاهنت

ولاتحرمنا مرورك العذب

مع تمنياتي لك بالتوفيق الدائم