" أبـتـدي بـه غـرام .. وأنـتـهـي بـه سـهـر "

[عيون الشوق]

.



.



[POEM="font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]قلت ابكتب قصيده .. للمشاعر ضميت = وأعزف الحان قافي لين يصبح شعر

لين صارت قصيده صغتها بيت بيت = صاحبني دموعي والقلم والقمر

ذكرتني القصائد في غلا من هويت = وإبتدى الدمع يسري من عيوني هدر

أبتسم للدموع وتنهمر لابكيت = فوق ليل المشاعر للقمر وانبهر !

قال: ليه الدموع ؟ وقلت : ياما شكيت ! = اشتكي لليالي واشتكيها بقهر

قال : ياما سمعت وقال ياما رأيت = ليت من هو غلط من غلطته يعتبر

ياعيون الليالي مثلها ماعطيت = كم عطيت الليالي من خيوطي سفر

واصلي في حديثك بعدني ما أرتويت = وابتديت بكلامي سارحه واستمر

قالوا : الحب بلوى قلت يالله نويت = في جميع المواقف لي دروبٍ خضر

غلطتي بانتظاره كل يومٍ عنيت = ابتدي به غرامٍ وانتهى به سهر

يوم جيت احتمي به ليتني ما احتميت = بتركه لليالي والقضاء والقدر

ليتني ماعرفته يوم فيه ابتليت = كنت في وسط قلبه بس حظي غدر

اوف مكثر بيوتٍ وسط قلبي بنيت = لين صارت مدينه من حطام الدهر !

هذا جور الليالي في غلاته وفيت = واخذلتني الليالي كل شي انكسر

ياقمر قله اني ساكته وان حكيت ! = خبره بالسلام وبلغه ذا الخبر :

طحت من وسط عيني يوم منك انكويت = بس صعبه اردك في عيون السهر [/POEM]



.


.

 

[خالد صالح الحربي]

*

قصيدة أكثر من جميلة أختي عيون الشوق.
سعيدٌ بقرائتها هذا.. المساء..
شُكراً.. كثيراً../. لكِ..

 

[نايف السعدي]

عيون الشوق

قصيده رائعه

استمتعت بوقوفي هنا

كل الشكر لهذا الجمال

 

[نواف التركي]

صح قلبك

يا شوق

هكذا يكون الشعر


دمتي بخير

 

[نـــجد]

قصيدة مدادها دمع
وسهرها غرام
وقمرها وصيف السهر

عيون الشوق
نبضك رائع

 

[العـنود ناصر بن حميد]

.
.

طحت من وسط عيني يوم منك انكويت

بس صعبه اردك فـي عيـون السهـر

عيون الشوق

ترسم صورة

وتحكي بالألم /الندم

وتقرر أن

من يسقط من عيون القلب / السهر

لن يجد له ليل .. ولن يجد له مقر

دام تواصلك

وصح قلبك

 

[عيون الشوق]

المشاركة الأصلية كتبت بواسطة خالد صالح الحربي

*

قصيدة أكثر من جميلة أختي عيون الشوق.
سعيدٌ بقرائتها هذا.. المساء..
شُكراً.. كثيراً../. لكِ..

اخي : خالد الحربي


كل الشكر لطيب مرورك ...

وانا اسعد بقراءه هذا التعليق ...

دمت بخير

 

[محمد الضويحي]

عيون الشوق -- مساء الخير


اطلاله بعذوبة الورد والحس المرهف

وجدتني هنا اكثر هدوءها مع حروفك


دام نبضك