ملاحظات غير مهمة..! مدونة يومية للجميع....

[بندر الصقر]

الله يستر عليك يا خالد .. تأكد إن الشوق يسبق رحيلك
رجعك ربي بالسلامة لعيالك ووالدتك ..

 

[فاطمة ناصر]

المشاركة الأصلية كتبت بواسطة محمد عيضه

شوفي يابثينه الأنثى بالنسبة للشاعر قصيدة

كلما كان أكثر إبداعاكلما كان أكثر إمتاعا ومشاركة وصداقة...!

بس اذا كانت في راس الشاعر هاجس قصيدة فعلى الزوجة أن تشاهد الفلم العربي(النوم في العسل)

طيب وبالنسبة للشاعره ..؟

 

[بندر الصقر]

: تمنياتي للهلال بالفوز الساحق عشان محمد عيضة ينبسط و ينقهر بندر صقر

ياشيخ جعل الديرة اللي تروحلها يصير فيها انقلاب يوم وصولك ويقفلون كل المحلات الا المساجد والحسينيات _ اذا انت من الربع _ هههههههههههههههههههههه < حاقد

 

[وديع الأحمدي]

المشاركة الأصلية كتبت بواسطة خالد الحبشان

وأنا والله أحبك يامحمد
وصح لسانك بس وين بندر الخزمري لكي يشرح لنا الأبيات
كان قلت خلوها على خالد >>مع جنبها بالشعر

......

بالنسبة لعبدالعزيز كنت ناوي ارد عليه بس خفت منه مدري ليه كذا جاني شعور يقول لي ياخالد لاترد عليه
حسيت في سؤاله تهديد غير مباشر

.....

نجي للغربة وطاريها مدري حسيت بغربة من قبل لأسافر
كان ودي يبوثامر ألتقي بك قبل البارح بس ماحبيت ألزم عليك بالحيل
لكن متلاحقين على خير بعد تاريخ 1\7\1431 إن الله أحيانا لن أفوت دعوتك ولاتردني المرة القادمة
إجازتي صدرت اليوم لشهر ونصف وها أنا أحزم حقائبي إستعداد لموادعة الخبر وشواطئها ثم الإتجاه لمنطقة القصيم لأمكث بجوار والدتي وأطفالي الثلاثة لمدة عشرة أيام وبعدها أقلع نحو رحلتي المجهولة
تحت قدر الله نجري تحت رحمة الله نحن نتفائل .
الأمر المزعج ماركة
marlboro classics

قفلت محلها اللي كان بسوق الظهران لأن هالمحل الوحيد اللي أتعامل معه خصوصا حين تقترب أقدامي من أي رحلة مجهولة .
أنا متضايق من التصرف مدري ليه هالماركة مالقت أي قبول بين الشباب السعوديين رغم أنها جدا فاخرة .

الأمر المضحك وأنا بسوق الظهران قبل كذا أسأل عن المحل وين طار المحل وأنا أعرف موقعه وكل من سألت يقولون نعرف أنه دخان ههههههه اول مره نسمع بالماركة هذي .
إلين بلغني عامل فلبيني صاحب محل محاذي له أنه تم إغلاقه من الشركة من ثلاث شهور تقريبا ماحصل مكاسب .

الأمر اللي أربكني قبل خروجي من المكتب توافد الزملاء للتوديع قلت انقلعوا عن وجهي كاني طالع للجبهه كلها كم أسبوع وراجع أنكد عليكم
ماأحب التوديع مدري يروعني أحس بخوف غير طبيعي .

امي تقول القصيم اليوم أمطار وغيوم وجو أوربي ياوليدي أغديك تهون عن السفر الأجواء عندنا أوربية
عاد أنا عبيط قلت يمه الأجواء من ربي والحمدلله على فضل ربي لكن النفوس اللي حولنا وحوالينا تضمنين لي أنها أوربيه

أرآكم على خير
إن قدرت ألج للنت لن أتردد بزيارة هذا الموقع دون غيره
والسبب
بندر الصقر \ ومحمد عيضة
بدون قصور بوديع والشلة الباقية
أتمنى يخف الصداع عن وديع

على طاري هالصفحة بقول لكم طرفة قوويه من تأليفي
ابوثامر الصفحة صار يزورها دكاترة لاتستبعد الوزراء والملك يتصفحونها وأعتقد راح يتم إستدعاء \محمد عيضة هو اللي مسوي متصفح للتحريض وتنشيط الثورة أبياته لاتحمل أي نوع من أنواع المجاملة للبلاط الملكي
عاد ابوثامر راح يلتزم بالصمت طبعا انا مش موجود لكن الملك يستعين ببندر صقر لسماع مالديه بندر سياسي محنك يبي يكسب الفرصة بيقول للملك نعم نعم هذا صحيح وأنا حاولت ثني جماح صديقي ولكنه اصر على موقفه .
ويطلب وديع وديع بيقول للملك ماتشوف راسي مصدع كل يوم كله من افكار محمد عيضة .
هههههههه
وديع لاتزعل ولله أحبك

عاد أنا أعود للوطن أجد صديقي في ورطة طبعا أنا لازم أكون البطل >>برآ

سلام ياأصدقاء ويا جميلات
لقلوبكم الجميلة

راجع راجع راجع لكم بمشيئة الله وقوته

أهلا خالد ,

فعلا أفكار محمد عيضه , تسبب الصداع , لكنه صداع عادت لا يحتاج لـ بنادول اكسترا او كوب قهوة ,
لكنه يحتاج لــ ابتسامة , ومعطف ضحك داخلي , فيذهب الصداع ,
هذا المسجل خطر , مطر , يعري الأرض عادة ,
وليش أنا الوحيد اللي طلبت مني ما أزعل ؟

شكلي يخوّف مثلا
أحبك الله يا طيب ,



تحاياي

 

[مي العتيبي]

وديع : أقول ؟

 

[فاطمة العرجان]

المشاركة الأصلية كتبت بواسطة محمد عيضه

فاطمة يعني ماهمك الا العدل...! الله اكبر

عموما لوكانت الأنثى مخيرة لما تزوجتني زوجتي...أبدا ولو مايبقى في الدنيا إلا شاعر أو كاتب لتزوجت مسيار فقط...هذا إذا ضغطوا عليها اخوانها الشريرين جدا!

أما بعض بنات المنتدى المولعات بالفلسفة أتوقع يتزوجن من برا...من رجال ينحدرون من سلالة أفلاطون والا ديكارت والا كانت

أنا وبندر الصقر اتوقع ماحد يطلبنا ..للزواج يعني راح نبور وننشب في حلوق اهالينا
السبب انا نكديين وعندنا افكار هدامةممكن تطب الحكومةعلينا في أي لحظة...!
بالنسبة لي لو اختارتني اللي في بالي المهر عليه...!

فاطمة ماعدت خايف منك
خايف ام العيال تقرا هالموضوع...!

ايوا أبغى العدل , تبغاني أجي - يوم التغابن - قدام الخلق وشقي مائل ؟!
الحمدلله ربي رحمنا وصار التعدد لكم
مممم وش يخليك متأكد إنها لو مخيرة ماتزوجتك , بالعكس يمكن الآن بعد العشرة شافت منك أشياء تخيلها لو كانت مخيرة مااختارت غيرك .!
ترى بعض الحريم ( أوه صح في ناس تزعل من لفظ الحريم ) قصدي النساء لهن شروط غريبة عجيبة ومواصفات خيالية في فارس الأحلام
يعني حتى لو كنت أنت وبندر على مستوى عالي من الغرابة والنكدية والمش عارفة ايش راح تنصدم بوجود نساء تتمنى هالأشياء في الرجل

محمد أنا مش فيلسوفة طيب , وش يناسبني حسب توقعاتك ؟


وإذا على أم العيال سلم عليها وانقل الموضوع للمرح




صباحكم رااااااااايق

 

[مي العتيبي]

سيجارتك ، وحي الأدخنه ، ولون الشاي الداكن يمنح الأرضيّات فخامه ، ومزاج سيء
كلا ً نحو هذه العبقرية في عينيك يتسابق ، كلا ً يردد : زدني .. زدني [ إن الّرب لا يكذب ]
ولا أردد : إلا ربِّ زدني تيها ً بين ثلاثِ أضدادٍ تتبنـّاها .. ودوري !
:
هكذا يجب أن يكون الحضور بعد القراءة الأولى .. الأولى ياهذا .

 

[فاطمة العرجان]

بغيت أنسى شي مهم ..
خالد الحبشان , ترجع بالسلامة