درايش..

[منتهى القريش]

أشتريك
لو تقول ..
انك بعتني
ولو تروح أبعد مكان
لجل عينك أعتني

[منتهى القريش]

مو مهم إنك تحبني
المهم إني أحبك
مو ضروري تتهمني
بالجفا .. لو كان ذنبك
راح أسامح بك خطايا واتهمني
بس رجايا .. أبقى قربك

[منتهى القريش]

شوف دموعي
تبلل أوراق الغياب
شوف ضلوعي
ما بها غير العذاب
شوف قلبي
كان ينبض بالفرح
ومن جفيت
مات فرحي
وقلبي م الأحزان ذاب

[منتهى القريش]

ليه تغضب ..
لما يجرحني غيابك؟
حقي أزعل ..
لما أغرق في سرابك
ليه حنيني بس حنيني يجرحك
يعني مو من حقي أتعب؟
ولا أعتب؟
لازم أحبس دمعتي؟
لازم أبلع غصتي؟
لازم أتحمل عتابك؟

[منتهى القريش]

أعتذر لك عن حنيني
أعتذر لك
لو دموعي توجعك
ولو بغيت تروح .. روح
بس تأكد
بـ اترك احساسي معك

[منتهى القريش]

يا حزن وش فيك جارح
يا فرح لا وين رايح

[منتهى القريش]

الله اقوى بس عليك
كلما بيك أفرح ..
تخنق الفرحه بيديك
روح ما أبغى وصالك
بس .. طمني عليك
روح أبعد من حياتي
مو لأني ما أبيك
لا وربي
أخاف إني من زود حبي
أكرهك .. وادعي عليك

[منتهى القريش]

على بابي الحزن واقف
يرسم بالدمع غياب
أمسحهم وأخدعهم
صدى ضحكه
واطلقهم من الشباك
عصافير الحزن أسراب
نصدق حزننا دايم
بس ابـ فرحنا نرتاب