درايش..

[منتهى القريش]

اسأل عليك الليل
يتوسدني السهر

[منتهى القريش]

وينك؟
مسافة بيني وبينك
اضيع انا فيها
البرد يلفحني
واتلحف ابعينك

[منتهى القريش]

في غيابك
أدور لك كثير أعذار
وانا والروح
وبقايا اجروح نغتابك

[منتهى القريش]

كان يكفيني سؤالك
كيف حالك؟

[منتهى القريش]

رغم المسافة
الـ بينك وبيني
لما عني يوم تسأل
احس صدرك يحتويني
أنسى أحزاني .. همومي
وكل شي
يصير أحلى في عيوني

[منتهى القريش]

صباح الشعر يا شاعر
صباحك أبيض وماطر
رغم إنك قسيت شوي
وكلامك يكسر الخاطر
رغم إنك
خليت السهر يسهر مع رمشي
أقول لك شي..
من الآخر ..
وحشني صوتك الساحر

[منتهى القريش]

تمنيت الفرح عيني
واسكن في مدى اعيونك

تمنيت الحزن ديني
وانا وحدي ..
أسدد آخر اديونك

تمنيتك تخليني
فرحه تدور في كونك ..

[منتهى القريش]

نبرة حزن في صوتك
من البارح
وهي تتردد افـ ذاتي
تكسرني .. تبعثرني
ثم تعود وتجمعني
تخليني على بعدك
أعاني هجرك وصدك
ومرار تصير ضحكاتي