درايش..

[منتهى القريش]

كيف حالك؟
والله ضحكني سؤالك ..
وبمراره

جاي تتطمن علي
ولا تشمت فيني شوي ..
يا خساره

دارت الدنيا علينا .. وانتهينا
مو بـ ايدينا ..
يعلن الحب انكساره

[منتهى القريش]

انت وينك؟
كيف علمك الجفا تقتل حنينك ؟

صارت الغربه مسافه
يا حسافه
وانطفى حبي بـ عينك

[منتهى القريش]

باختصار
من اشوف اسمك يحيرني سؤال
شلي صار؟

[منتهى القريش]

شوف حزني من غيابك
فيني يكبر
ما اتصور
كيف حياتي تكون بعدك

لا ولا يخطر ببالي
كيف بقضي هالليالي
بين هجرانك وصدك

[منتهى القريش]

هذا جرحي
هاك لمه بين ايديك
هذا قلبي الـ جرحته
يشتكي منك عليك

[منتهى القريش]

في غيابك
كل شي حولي حزين

[منتهى القريش]

ينام الليل
وانا أصحى
على صوت الحنين وضحكة احبابي

تمر اصواتهم في البال
تمسح على روحي
تبعثر ما بقى مني ..
تفتح باقي اجروحي ..
وافتح للحزن بابي ..

وادورني .. أنا ويني
أنا افـ درب الخطا أمسيت
وضاعت كل عناويني
ويصفعني الندم حسره
واخط الحزن من دمي
على ايديني كبر همي
وادون ما بقى مني
حروف ابـ عتمة اكتابي

[منتهى القريش]

ادور لك عذر يشفع
غيابك كل هالمده
ألاقيني وطن بارد
ونار الشوق مو أي نار
تشعلني ..
بلا تبرير .. بلا أعذار
وصبري قد وصل حده