درايش..

[منتهى القريش]

يا رحلة العمر الحزين
بـ احزم حقايب غربتي
بطوي مسافات الحنين

يا فرحتي .. ليتك تجي
لا تكتبيني بدفترك.. راح اعذرك
بس اشطبي .. أو رتبي
حروف الحزن في داخلي
برضى أنا في قسمتي
واللي انكتب فوق الجبين
مثل الوشم .. ما ينمحي
يبقى على .. مر السنين

[منتهى القريش]

إن حكينا مشكلة
وان سكتنا مشكلة
صمتنا يثير التساؤل
والسوالف مهزله
الله يسامح هالزمن
همنا صمت وكلام
مو حرام؟
كل شي صاير غريب
إن ضحكنا لو بكينا
إن صمتنا أو شكينا
هم نثير الأسئله ..

[منتهى القريش]

كثر الغياب
اللي خذاك
كثر الألم
كثر الوجع الـ ينزفه حبر القلم
اشتاق لك
مرني .. أريدك لو حلم ..

[منتهى القريش]

مروا على ارموشي حلم
بـ المس اياديكم
مشتاق يكتب هـ القلم
فرحه تتانيكم
والله لا ازعل هـ النعس
واسهر أراضيكم
وانحر محابر غربتي
واكتب أساميكم

[منتهى القريش]

حزن يستوطن انفاسي
يذر الملح فوق الجرح
ويصحيني بحضن الليل
بقايا آآآآآآآآآه

[منتهى القريش]

كثير احباب
غابوا
نتمنى نلتقي فيهم

كثير احباب
ضاعت ملامحهم مع الغياب
ندور في وجيه الناس
في عتمة الإحساس
يمكن نلاقيهم

[منتهى القريش]

هذا المسا شاحب
معتم وما به ضي

أشرب فناجيل القهر
واغرق بشربة مي

من يوم صوته اختفى
وآنا احتمي بـ الفي

جمرات وصله طفن
شب الوصل يا خي

[منتهى القريش]

يمر الوقت
ولا ندري عن اللي صار
نتفارق... نتباعد
تغربنا خطاوينا
ولا يبقى سوى التذكار