[ زوج ٌ لايعرف ُ مسؤولا ً ! ]

[سميراميس]

ماراح أنزّه هالمزرعة ( مزرعة التربية و التعليم ) من المحاباة و المحاصصة و " المسافيط " ، كثير مسؤولين نشوف بناتهم مسؤولات أو معلمات يصادقهن التعيين من أول سنة ، بيد أنهن لا يعرفن الانتظار ..
بس في المقابل ترى هالمزرعة عندها شوية دم ، بيد أنها تعتمد مايسمى بالمفاضلة ، يعني اللي معدلها كويس و قسمها مطلوب طبيعي بالرغم عنهم بيجيها دورها و رزقها .. و اللي جاز لي فيهم أنهم بالمفاضلة يحرصون اكثر على المعدّل بعيدا عن أقدمية التخرج أو سنوات الخبرة ، الحين أغلبية القديمات ( بالتخرج ) بالمدارس الأهلية يكسبن خبرات عشان تشفع لهن بالمفاضلة ، طيب اللي متخرجة هالترم و معدلها " اكسلنت " ايش تسوي عشان صاحبة الخبرات بالمدارس الأهلية أو بند محو الأمية صباحي أو حتى مسائي أكثر منها بالخبرات ؟!
الأقسام اللي تخرّج طلبات لا سوق لها ، يقفلونه و يعيدون صياغة الأقسام من جديد ، مزرعة التربية و التعليم بالعربي الفصيح كذا ( غثتنا ) بغض النظر عن امتيازات الوظيفة فيها من ناحية الراتب و البدلات و الأهم القبول الإجتماعي لها ..
تخرجت هذا الترم ، عندي انترفيو بالتخصصي في الفترة المقبلة و كذلك بمزرعة التربية و التعليم قدمّت صورة من الوثيقة ،في حال تم ترشيحي لهذه الوزارة لن أقبل بها رغم امتيازاتها ، إلاّ أنها لا تزال مزرعة تضم مختلف الحظائر ..
فثق بي من تتوظف بهذه المزرعة أعتى و أشد نفسية من التي لم تتوظف بها ..

بي . بس :
سابقا كان الناس يظنون المدرس و المدرسة شيء وااو و أنهم راعين واسطة :d ، بس الحين لا الناس صاروا حاسدينهم على هالبدلات و الإجازات لول
بس .. وش الفايدة إذا صار كل هالبدلات في مزرعة كبيرة لا معلماتها لا مشرفاتها لا طالباتها يقدرون يغيرون شيء من عشوائيتها !!