[سما وتحليق]

[عبدالعزيز رشيد]

خلي النوافذ ساهره
تتثاوب الموعد
أبرمي لك حجاره
حضنها أوراق الرساله ..

ترسم أيامي تغرّب
دام مامثلك بلد
باستوطن المنفى وعد

حتى الحدايق كلها ريبه
حتى الزهور النايمه تهمس بخفّه حانيه
وامشي وكلّي خوف يسألني أحد !

ياليتني بالبيت عندك
زجاجه لو تكسريني
بس اخافك لو تجيني وتجمعيني واجرحك

ياليتني كلمة أحبّك
تنطقيني
واظمن اني داخل احساسك

انا جيتك
وماغير الوله
طفلٍ تعلّق باصبع آمالي

اخيرا
تفتح الشبّاك
وتلقاني قتيل الليل!
وينك يارجى عيوني
رميت القلب لك
مثل الحجاره
لجل أوصّل لك رساله
انكتب فيها
احبّك للاخير !!!!

 

[عبدالعزيز رشيد]

ياغاليه
خلّي الحزن يبعد
واصير افراح واقرب

ياغاليه
قومي اذرفي دموعك على موقي
وفي عيني تعانق دمعتي

جيتك تعالي
ليتها يديني ضماد وتلمس جروحك
وهاتي لي تباريحك
وفي صدري موانيها

خلّي الفرح يتنفّس ايّامك
وأحزانك تبات ايّامك بـ كتمه

غبتي وفي حرفي نفس
ماله سوى روحك رئه

 

[عبدالعزيز رشيد]

بالأمس همس وليل يحكيني
ـــــ زحمة بشر وانفاس ماتنطاق
ويدين حلمي ماتودّيني
ــــ بالكاد كانت نومتي تنذاق
,

 

[عبدالعزيز رشيد]

أحيان في قلبي حكي
وكثير ف لساني حيا
ليت الحيا إنسان في عينه كلام

 

[عبدالعزيز رشيد]

هذا مكاني
تو رجع لي

 

[عبدالعزيز رشيد]

جا على بالي أقولك
في قصيدة
مانمت في بال

مدري
ريحة الأمطار من فم الغيمة؟ ولا من انفاسك؟؟
دفا شمس النهار اقرب لها ضمّة يدينك
دايمة
انتي ف بالي
وغاليه
لو يختلف اسمك
ماتختلف صورة وجودك

 

[عبدالعزيز رشيد]

ياطير
يامرسول
تبني ف داخلي عشّك

من اللي أرسلك؟

لوكانت الصدفة
تمنّيت الحياة تكون صدفة

قريتك ماتهجّيتك
وربّك تحفظك روحي وماتنسى
لو النسيان يسرقها
تردّه صورة عيونك

 

[عبدالعزيز رشيد]

آه ياصعب الكتابة
ماقدرت أكتب مشاعر أغرقت روحي
من اللي يفهم حروف الغريق؟