درايش..

[منتهى القريش]

لا تبكيني
عاف الدمع عيني
غريبه النزف بالروح
وتتبلل ايديني

[منتهى القريش]

كيف حالي؟
والله مدري كيف حالي
وش بقى لي ..
غير جرحك .. ذكرياتك
من جفيت ..
ما بقى بالدنيا غالي

[منتهى القريش]

تصد عني ..
واتهمني
أقول آنا الـ ما أبيك
ولو أموت وانت الـ قتلني
الموت رحمه بين ايديك

[منتهى القريش]

دوم تزعل
ودوم أدور لك سبب
واعتذر لك
بس..
يذبحني العجب

[منتهى القريش]

تظلمني
واقول الظلم يتبلى عليك
تجرحني
واقول الجرح مو بيديك
تبكيني
واقول ..
أبكي من الحسره عليك

[منتهى القريش]

اتفقنا
لو التقينا
ابتسم رغم الألم
آسفه وعدك جحدته
أخاف يذبحني الندم

[منتهى القريش]

كل المشاعر كذب
والنوايا سود
اعذرني راح اقتلك
يا حلمي الموعود

[منتهى القريش]

صورتك في داخلي
كنت أبروزها بوفاك

انكسر شي داخلي
صورتك؟ بروازها؟
ولا يمكن..
انكسر فيني هواك