درايش..

[منتهى القريش]

كثر همي
كثر ما قلت لا تبعد
اقول لك روح ..
عسى درب الذي وداك
م يردك ..
فـ امان الجرح والذكرى
فـ امان الهجر وليل الصد ..

[منتهى القريش]

ولا تسأل؟
عساني بس أتحمل
قساوة قلبك وظلمك
خلاص انسيت؟
الا يا حيف ..
كيف هانت العشرة
وكيف غدرك
قدر يمحي من الذكرى
زمان أول ..

[منتهى القريش]

وش غيرك
وش أخرك
عن موعد الحلم البعيد

أتذكرك
واوقف على نفس الرصيف
يمكن تجي
تهديني فرحه ابـ يوم عيد

[منتهى القريش]

سلم على قلبي وروح
يمكن تغير دنيتي
لا تعتذر باقي جروح
تقتل بقايا فرحتي

[منتهى القريش]

كنت انتظر
طيفك يمر البارحه
كم بارحه مرت علي
صمت وأرق
روحي بكت
ويا الوجع متصالحه

[منتهى القريش]

رغم القسوه والتقصير
رغم الصد وغيابك
بعدني أذكرك بالخير

[منتهى القريش]

على اجدار الأمل
علقت أحلامي ..
أتنفس بقايا الليل ..
يصحيني الأرق قنديل ..
يمرني شبح ذكراك ..
في الصمت يسولف لي
أمشي أنا وياه
في سكة الأوهام ..
تتعثر أقدامي

[منتهى القريش]

متى يا سكة الأغراب
تعرفنا ملامحنا

متى يرجعوا الغياب
وليل الجرح
أغاني فرح يعزفنا

متى ترحل
بقايا اهمومنا أسراب
ننساها بسوالفنا

متى يا حلمنا الكذاب
كثر كذبك
تنسانا وتسامحنا