البحيرة والنورس

[حمد الدوسري]

تخيلي بيت دفاه من المواجع والوله
ضحك وسواليف وسهر ومزوح وبساط أحمدي
تخيلي عشق عجزت أستوعبه وأتخليه
كانه على هالحال ما عز الله أبشر بسعدي
ياسيدة عشقي وأنا راعيه راعي الأوله
ماهي كثيره لو تقولين:أنت والله سيدي
ترا الله إلي حط لك ذاك الغلا والمنزله
وإلا الهوى لا ورث أبوي ولا ذخرته لولدي
حبيبتي مايقهر الرجال في مستقبله
لا الهوى إلي مرة يقبل ومرات يغدي
حتى الوفا لا زاد عن حده يعود مهزله
ياليتني خنتك ولا إلي قام يحداني حدي


ناصر القحطاني

[حمد الدوسري]

فنجان حظي كلما جيت ابا اقراه
شفت المصايب تنكتب في جبيني
الحظ يرسم خط عمري ويمحاه
وانا اتعذب والقيود بيديني

[حمد الدوسري]

لا قال ردي لي ولا قال روحي
لا هو مريحني ولاهوب مرتاح
يغيب ويعود ويفتق جروحي
واذا استجد الجرح لوح لي وراح
واضحك واجامل وادعي بالفروحي
وبداخلي نار وتجاريح وصياح
واحاول اخفي جروحي بروحي
واخيط جرح وتنفتق عدة اجراح
وان قربت دمعات عيني تفوحي
الله أكبر ، صار لي قلب مزاح


عابرة سبيل

[حمد الدوسري]

ينجرح قلب.. لكن ترتفع هامه
والله اني لاموت ولاانحني راسي
لو رماني زماني وسط..دوامه
العواصف شديده .. والجبل راسي
أنقل الحزن وامشي منتصب قامه
قاسي الوقت .. لكني بعد قاسي
واسمع الحلم يصرخ لحظه اعدامه
رابط الجاش ... ماهز الخبر باسي
عزتي غاليه ..والناس سوامه
قلت ماابيع حتى تقطع انفاسي
زانت ايام عمري .. شانت ايامه
مارجيت العزى من رحمة الناسي
من عجز لايدوس الهم باقدامه
لازم انه مع الايام ينداسي
يندمل جرح قلبٍ ..ماتت احلامه
بس ما اظن يبرى جرح الاحساسي
يوم صارت مابين القلب والهامه
وش ابي بالحياة الياانحنى راسي

[حمد الدوسري]

أنا في خاطري حاجه ولا ادري ويش ابي بالضبط
ولاني قادر اكتمها ولااني قادر ابديها
متاهة بداخل اعماقي بحر وحيره بليا شط
خذاني موجه العاتي عذابي من موانيها
ابهرب من غموضي مير ماباليد حل وربط
ضياعي كل يشوفه حقيقه مقدر انفيها
أنا مدري مكاني فوق ولاتحت ولا وسط
اسوق الرجل وتبعها وقول الله يسويها
أنا عايش بها الدنيا بلاقيد وبليا شرط
مجرد ظل لايامي تباريني وباريها
أنا ايامي سوى مافيه يوم اصعب ويوم ابسط
ولاادري كيف اميز بين حاضرها وماضيها
أنا مشكي من احزاني ولاذقت السعاده قط
ومع هذا أحس الناس وأضحكها وأبكيها
أنا واحد من العالم أنا جمله تحتها خط
احاسيسي غريبه من بدايتها لتاليها
أنا في صفحة الدنيا حروف ماعليها نقط
حياتي مالقيت اللي يترجم لي معانيها

[حمد الدوسري]

تعبت من القصيد .. من الجروح .. من انتظار طال
تعبت استقبل طعون الزمن .. واربت على كتفه
تعبت من الكلام .. من السكوت اللي يهد ّالحال
تعبت أكثر من الحزن الذي.. ما ينتهي عزفه
تعبت من الوعود .. من الصديق الطيّب المحتال
تعبت أعرف كل اللي .. تعرف الناس بالصدفه
تعبت من العدو اللي عجز.. يدخل معي بقتال
تعبت من الظلام اللي قتلت .. ولا لقى حتفه
تعبت أسأل من المخطي ..؟! تعبت اردّد الموّال
ما دامك ما سقيت الزرع .. ما لك حق في قطفه
تعبت القى الجواب المقنع اللي ماعليه جدال
تعبت القى .. طريقٍ ما يكون بآخره شتفه
تعبت اضفي على الصوت الحبيبه وردتين وشال
تعبت اسمع صدى شامت يردّد طاحت الغدفه

مساعد الرشيدي

[حمد الدوسري]

فيْ المقهى أربع طاولات
وفيْ الركن الأقصى طاولة
مرمي عليها الأُمنيات
ووحْده عليها المهْزلة
سالت سواليف البنات
وأنا أسترق سمع وَ وَلَه
وحدة تقول إن الحياة
حياة لكن مُعضلة
ووحدة تقول إن الجهات
تشير له والبوصلة
ووحدة تقول إن الممات
أرحم من أكبر منزلة
ووحدة تقول إن الشتات
في الحب كل المشكلة
في الطاولة ذيك، الثبات
بنت ٍ تهزّ الأسئلة
في يدينها النعناع مات
والكاس في فمها : دَلَه
فستانها كان التفات
تشعر بحده فـ اوله
وفي يدينها كانت تبات
محابس الهاخلخلة
قلت: الهوى، قالت: صِفات
قلت: السهر، قالت: صِلة
قلت: الظما، قالت: شمات
قلت : الحقايق سلسلة
قامت وفي روحي صلاة
ومرّت بحلم ٍ ما اجهله
وهي تعدّى الأُخريات
للباب قالت: سجّله

[حمد الدوسري]

لاتحزني من غيبتي ... وغيابي
...............................‎مازالَ حبك مصحفي وكتابي
‎مازلتِ فى الخيل الأصيلة مهرة
‎...................................للعاشقين بشعرك الجذابِ
‎أحببتُ فيكِ الثغر وردا ًباسما
‎.................... ..........جاءَ الرياض َبأجمل الأطيابِ
‎أحببتُ فيكِ العيد حين يلمنا
‎...........................دفءُ الطيوبِ ... وفرحة ُالأحبابِ
‎أحببتُ فيك الخد يحمل زهرنا
‎................................مهما ذوى .. نلقاه بالأهدابِ
‎أحببت فيكِ الشهب تجدل شعرها
‎.............................عندَ الكتوف بسحرها المُنسَابِ
‎أحببت فيكِ العين تجري دائما
‎..............................فيسيل رَوْضٌ ... فى نهاد ِرَوَابِ
‎أحببتُ فيكِ ضمور خصر خامر
‎.................................كم كان يثملني بغير شَرَابِ
‎أحببت فيكِ الليل يركع شاكرا
‎..........................................لله ربا دون أى عذابِ