البحيرة والنورس

[حمد الدوسري]

نادتني بأحرفك الثلاثة
فأحببتُك ياح م د

[حمد الدوسري]

حنّطتُ ذاكرتي
حاوطتُها
بالقصائد
و الرسائل
بصورِ الأحبّة
،و الأصدقاء
أغلقتُ التابوتَ
ربما
تصحو ذاكرتي
من موتِها
.ذاتَ يوم
لا أريدُها
أن تكونَ وحيدةً

[حمد الدوسري]

لعشرةِ أشهُرٍ والشِّعرُ
بحرٌ في مراسينا
نوافيرٌ مِن الآمال
ترقص في دياجينا
لوَجْهِ الصبح يبقى الشعر
يزرعنا ويسقينا
ويزرع في خوافي الليلِ
لؤلؤةً بأيدينا!
عصرنا الشِّعرَ عصر الرَّوح
لم نكتب دوَاوينا
ولكنّا عصرنا الحلم
خمراً في ليالينا
وكفكفنا مَدامعَنا
ملاييناً ملايينا
وكان غرامنا يا ليل
حول الغير ناسينا
وحين استيقظوا يا ليل
باتوا جِدَّ نائينا!
وكان يَسوؤُهُمْ يا ليل
أنْ كانوا ملبينا!
ونَبقى والغنا يا ليل
آخرُ من يُواسينا!
وداعاً يا أحب النّاس
يا أحلى جوارينا
لقد ضحكت مشاعرنا
وقد رقصت أمانينا
ونحنُ نحثكم تَنأون
حتى من أغانينا ..!

[حمد الدوسري]

يا رفيف الماء .. وفجر العيد .. وأحزان المواني
يا أكثر أهل الأرض طيبة قلب .. وأسرار دفينه
المكان اللي هنا .. مليان ضحكات ، وأغاني
والكلام اللي بغيت أقول .. يحتاج لـ سكينه
شوفي الركن البعيد هناك .. كنه صدر حاني
هذا هو اللي يليق بـ شاعر وبنت حزينه
أنسي الشارع ، وعتمات الزوايا، والمباني
هاتي يدينك نلف الغيم ونشكل مدينه
عندي الليلة كلام وصمت .. وأخاف الثواني
تظلمه .. أو تظلم اللي فيه كم ضاعت سنينه
بس لازم تسمعين اللي أبي ولا تراني
لو بـ أعيده لك .. نسيت .. ورحت أقول اللي تبينه
شي واحد قبل ما أبدأ .. ما أبي أي شي ثاني
يخطر فـ بالك .. وأنا أكشف لك شعور تجهلينه
إن أنا .. وبكل ما تحمله "أحبك" من معاني
كنت،وراح أبقى أحبك .. لين .. مدري وش هو لينه
بس والله ماقدرت أنسى .. ولا همي نساني
لا ذكرت إنسان .. فيه أسرار مابينك وبينه
كل ما تطري علي فكرة هواك الأولاني
أشعر إني أنطعن مليون مره من يدينه
أشعر إن عيونك.. الله ما خلقها إلا عشاني
كيف كانت تبتسم له؟.. قولي إنك تخدعينه
صورة إنه كان يمسح دمعك .. تزلزل كياني
وكيف كان يلم شعرك .. ويتبعثر في يمينه
حتى اسمك يوم رحت أدلله .. حظي رماني..
بنفس الاسم اللي يقول .. بذمتك ماهي غبينه ؟
وكني اللي .. كل ما أناديك بالاسم الفلاني
أطلب النسيان .. يترك منه شي تذكرينه
لا تظنيني أناني .. لا .. أنا مانيب أناني
لو سلمت من الغرق . بـ أموت في ظهر السفينه
يا إني ما أكمل وأعاني .. أو أكمل ثم أعاني..
كل ما اسمع طاري اسمه .. أو تجي عيني في عينه
أينا كان الضحيه ؟.. وأينا اللي كان جاني ؟
مدري .. ولكن قراري لازم إنك تقبلينه:
مثل ما أكره فكرة إنه واحدٍ ياخذ مكاني
ما أقدر أجلس في مكان إنسان.. كنتي تعشقينه

[حمد الدوسري]

اكتب واسلّي خاطري ب(الكتابه)
كود التهي في نظم الابيات وانساه
واثر القصايد منه قامت تشابه
من وين اقلّب دفتر اوجاعي القاه

[حمد الدوسري]

هيه ياللي بديت بشي مثل الوكاد
وأنتهيت بظنون حاربت مرقدي
أعتبر كل عمري معك كبوة جواد
وألف شكرا على أني صرت اعرف آعدي

[حمد الدوسري]

والحياه اللي تدور شهورها وأعوامها
وقّفت واليوم دور رماحها وسهومها
ياكثر ما اغرقت نفسي في بحور اوهامها
وياكثر ماضعت بين أوهامها وهمومها

[حمد الدوسري]

يانديم الجرح خلّك من علوم أيامها
مابقى في القلب رغبه يلتفت لعلومها
والرساله ردّها للي زمنها ضامها
وقلها كلمه وتفهمها حسب مفهومها
والله أن أقص كفي قبل أدق ارقامها
والله أن اشيل قلبي قبل أشيل همومها