البحيرة والنورس

[حمد الدوسري]

ما صرت افرِّق راسمة كحلة الليل
........................الين ضعت الليل بعيون ميله
خطر نظرها يجمع البحر والسيل
.......................... من تغرقه بالغمز ياويل ليله
بلثامها رعشة هدبها تفاصيل
...........................كم كوكب بأنوارها مات غيله
الله رسمها ليل واندادها ليل
.........................ما مثلها في الغيد ربّاط شيله
تسمع نداها قبل تسري تراتيل
........................ تصرع غناويها صناديد خيله
ومبسم ممسوح باطراف منديل
.........................اليا انصبغ زان الف ليله وليله
ومطيل بي نهد حليو التفاصيل
............................اليا رقص زانت تفاصيل ليله
واليا ارقصت ترقص كنوز وقناديل
............................ وكتوفه الترفه تعاند رجيله
وحم ٍ يحسن كاحله مثل ما قيل
.........................كل المحاسن في ردايف عْسِيِلَه

[حمد الدوسري]

آمنت ان الحي بيقابل الحي
من صدفةٍ للدرب هذا جرفتني
امشي بفالي صدفةٍ ما ابي شي
فجأه عرضت لي شفتها وطوفتني
مرت وعدت كنها ماهي بهي
ماكنها ياخوك يوم عرفتني
عطيتها حب وغلا وقصرت بي
اوفيتها بس للاسف ما وفتني
كانت اليا ضاقت تجي كلها لي
نست عطاي وطيبتي لالفتني
ماكن لي فيها غلا لو هو شوي
ولكنها بسود الليالي جفتني
وقفت اطالع منجرح منكوي كي
ساعه بمكاني منصدم وقفتني !
بغيت اجيها وصدها كتّف ايدي
تبي الصراحه ياولد خوفتني !!
خايف اجيها تقول لي وشتبي في
ولا تسوي نفسها ماعرفتني !!!

[حمد الدوسري]

صدقني ما ضقت من فرقاك بالمره
بس ما ذبحني سوا حاجه بجوالي
تدري وش اللي ذبح قلبي من الحره
اني مخزنك في جوالي الغالي

[حمد الدوسري]

قلت الحقيقه واضحه إبلا تذاكر
ماكل منهو زل يلقا له اعذار
وانتي نسيتيني وانا كنت فاكر
اني بجي ويكون طعم اللقا حار
لكن وعد مني اذا عشت باكر
ماعاد لك موعد وماضي وتذكار

[حمد الدوسري]

ياراس لاترجي رفيقٍ يعزك
ان كان ماعزيت نفسك بتنهان
قام الردي يجسر عليك ويدزك
دارت عليك اليوم دورات الازمان
الناس ماتعطف عليك وترزك
ارفع مقامك وارتفع ياكحيلان
والموقف اللي هز قلبك وهزك
لاتلتفت للي غدى ماضيٍ كان
يحز بالخاطر وانا ادري يحزك
انك تشوف الذل من اقرب انسان
اصبر على همومٍ كثيره تلزك
وقف على حيلك ولو كنت تعبان
عاند زمانك في طموحٍ يكزك
لو قالوا : ان معاند الوقت خسران
قلوب خلق الله بعضها تعزك
واكثر من اللي تعزك قلوب عدوان
يعني اليامن طحت محدٍ يرزك
انكان مارزيت نفسك بتنهان

[حمد الدوسري]

قالوا امدح شيخ والا امدح امير
لجل تكسب من مديحه فايده
قلت انا في خير واحوالي بخير
ليه ادوّر شي ماني رايده .؟
ادري ان مال الكبير الا الكبير
الرجال تقاد والا قايده
اكره اثنين : المنافق والحقير
تستغل طيب الرجال الرايده
ان مدحت امدح وانا وجهي سفير
مدحتٍ للحق ماهي سايده
وكانها ماجات من قلب وضمير
مدحتي ذمه بحقه كايده
وش علي ان صاد له طيرٍ يطير
لاهو بطيري ولاني صايده
من خلقن الله احب اكون غير
ما احب اكون حاجه زايده
الفقر ماعذرب اخلاق الفقير
في السنين الحاضره والبايده
في الزمن اشياء تعني لي كثير
التمام الشمل حول المايده
ومنظر البسمه على الطفل الصغير
في نهار العيد يوم تعايده
قلتها وعذري يصير اللي يصير
كلٍ راسٍ يرتخي لوسايده

[حمد الدوسري]

طَويْلةْ طَاولتْنَا واسْتَقّرَّ المَا بْ قَاعْ الكَاسْ
كأنَّ السَّالفَةْ غْيمَةْ عَلَى شْفَّتْك مَسْكوبَةْ
جَلَسْت مْقَابلك وَجْهَاً لِ وَجْهْ بْ جَنبِْيْ الهُوجَاسْ
إذَا مُستَقْبَلي وَجْهَك ورَى الأحْلاَم مَرعوبَةْ
نسِيتْ يْدَيّ بْ يْدينَك بْ صُدفَةْ كنَّها الإحسَاسْ
وذكَرْتْ إنِي نسيْت أذْكُر يْديْنكْ كَانَت أعْجوبَةْ
تَهَيّلتكْ طَعَمْ هيْل بْ فَميْ مِنْ بَعْد طَعْم عْمَاس
بْ فِنْجَال ٍ نَعَسْ مِن نَظْرَتْكْ بْ أَهْدَابْ مَصْبوبَةْ
سَرَىْ الليْلَ البَهِيم بْ رِمْشكْ المُسْتَهْتِر الخَنَّاس
وليلَةْ غيرْ هَاذِيْ مِنْ لَيَاليْ العُمْر مَشْطوبةْ
إذَا مَا يَعْشَقْ العَاشِق سَهَرْ شَكواهْ بَعْد نْعَاسْ
يَنَامْ أحْسَنْ لِه ويمَسَحْ دمُوعه فِي طَرَفْ ثْوبَهْ
إذَا مافَجَّرَ الشَّاعر قَصيْدة صِدقَهَاْ نِبْرَاس
يبّل الدَّفْتَر ويَشرَبْ حبْر كِذْبه ومَكتوبهْ
وانَا أعْظَم مِن يْحب إليَا هَدَا بَاله عقْب مَا انحَاس
أعيْشْ بْ كبْرِيا والقَلبْ بَيْن يْديْن مَحْبوبهْ
مْطَر هَذَا الوصِل يومَ الهَجْر يمْلا الضْلْوعْ يْبَاسْ
وعَسَى المَاطِرْ عَلَى يابِسْ ضْلْوعيْ يْرخْي نْصوبهْ
مْن الليْ يشْبهَكْ؟ يالفَاتِنْ المُسْتَصْعِب الحَسَّاس
ليَا حَاولتْ أشوفَكْ فْ المَلامِحْ قَبْلْ هَا النُّوبةْ
يذّكرنيْ بِ مِنْ لايشْبهكْ مِنْ يشْبهك لادَاسْ:
عَلَى أعْصَابِيْ سَفَركْ ودوبْه أيْقَظ غَافْلكْ دوبْه
وأنَا قَلبيْ وطَنْ أرضَهْ سمَاكْ وبيتَهْ الكُراس
جبِينَك شَمسَهْ فْ صُبحَ الوَلَهْ وجْروحَكْ شعوبهْ
أنَا قدّامك اخْتَرنيْ حَبيبكْ قَبْل كِل النَّاسْ
أوْ إنِيْ مثْلْ عشَاق ٍ هَووّ رمشكْ وضَاعوا بهْ

بندر بن محيا

من أقرب الشعراء الى ذائقتي وأقرب الى نفسي
فلسفة سعد علوش وعبقرية بندر بن محيا
مدري انا عكس الناس ما احب السهل الممتنع
مثل محمد بن فطيس وكثير م الشعراء مايهتويني
احب العمق والتركيب والتصوير والخيال المعقد
بعض الشعراء يتعب في قصيدته ويبهرك بثقافته
ويقطف افكار من المستحيل وهذا اللي يستحق الدعم
ولا الكلام العادي والوزن الكل متمكن
تبقى وجهه نظر

[حمد الدوسري]

اليا اضحكت لي عسلها في ثغرها اشتد
بينه دلع بسمه وتينه وحلاوه
وان جت تنكت ذاب خد على خد
الين يغشى العين نفس الحلاوه
غنجا خصر.. دعجا حور.. معجزة يد
في قولها احلى شيح وازين حفاوه
شقرا شعر.. زينة هدب.. كاملة جد
فيها البداية والنقا والبداوه
لاطورقت لبى على احزانها الند
وصدورنا تهدي البكا بالغلاوه
فيها عرج واضح على مردفة قد
على شوية صبينة مع شقاوه
من قوة الحكمة خذت حكمة الجد
تطوي رشا الحكمة بطرد الغباوه